أنا سياسي

لـ حمدي كوكب، ، في غير مُحدد

أنا سياسي - حمدي كوكب

أنا سياسي
وخداني الثورة عن التفكير
أنا سياسي أصيل
من ساسي لراسي
ومخي كبير
عارف كل التدابير
شارب فكر قديم
منقوع سنتين
مخلوط بعادات
من عام تمانين
..
تحكي معايا
شمال ويمين
تعدل تقلب
لكن على مين
دا أنا مهضوم
وعارف زين
كل سكك الملاعين
..
أنا سياسي
وفاضي أحكي معاك
سنتين
ف فكر الثورة
وف أي مناورة
عارف ايه أمّا أبقى سياسي
يعني الكدب أساسي
وألف وأدور
حولين الزور
وأقول ده
حقيقي بكل غرور
وأكون مسرور
أمّا يقولوا : إني سياسي
وآدي عجايب الثورة
خلّت واحد
زي حالاتي
يبقى سياسي
© 2024 - موقع الشعر