في محمد بن الذيب - ضيدان بن قضعان

النقى والصيت والعز والنهج القويم
والمغازي فوق دهم يقاودها اللجام
 
وافلجان نحور الاخصام بالحدب الهميم
وارتفاع شبوح الاعيان لخشوم الغمام
 
والقدر والعزه وضرب حد فالصميم
والعمايم والتعلي على وسق السنام
 
والحميا والنواميس والكف الكريم
والتزعام لحرار يردون الجهام
 
والعزاوي والتواريخ وشداد قديم
كلها مجتمعة فيك يافزاع يام
 
ياذرانا حزة الضيق ياعوق الشكيم
ياحفيد اهل الاشده مقابيس الظلام
 
ورثك شداد خذاه الزعيم من الزعيم
يوم عاد البندق تدخ وتفض العظام
 
ياسنام المجد ياعز يام المستديم
ياحجى عيطاء تفك الحديد من اللحام
 
رايك الصايب يخلص خصيم من خصيم
وهيبتك تمن بها الذود وتشد الحزام
 
ياملاذ مغربل تايه حظه عقيم
اول ايامه مضام وتاليها مضام
 
يابن جمعه يا ابيض الوجه والله العظيم
ماترد وفيك ثنتين مافيها كلام
 
اسمك اسمك زوج العانسات من الحريم
واسم جدك ما نساه المليك بن الامام
 
ياصعوط الجن يالطود يالنار الضريم
فزعتك خلتني اجيك وازعزع هشام
 
ياوجيه هشام فلاجة الليل العتيم
ياوجيه هشام ذخر المواقيف الجسام
 
نحروها صوب فرز الوغى مقدم تميم
سطوة الحكام باب الرضى درع الزحام
 
ارجح العقل اصوك الراس نبراس حكيم
قدوة الندر شبا السيف مفراص النظام
 
حاتمي الكف عوق العدا ريف اليتيم
مثل ابوحدين عزام جزام همام
 
حاكم يبذخ على شعبه وقلبه رحيم
حاكم بوابة المجد توليه اهتمام
 
سلطته عليا تفرق حميم من حميم
وقوته بالله ومبداه ضد الانقسام
 
وعروتة وثقى بمحيي العظام وهي رميم
وفطرته غرا تجث الحلال من الحرام
 
وعزوته تخضع لها الجن والراحل مقيم
وهامته فوق الثريا وهقواته حيام
 
ميزه ربي بصفح ولطمات تضيم
وشرفه باطيب نسب من خوال ومن عمام
 
ذاك جمة عيلم عذب وراده تهيم
ذاك منصى المدح والقاف وعزاز المقام
 
ياهل العليا وزى الركب مافيكم ذميم
ياهل العليا ترى الله شديد الانتقام
 
من ظلم والاجحد نعمته يصلى جحيم
ومن عدل والا حمد فاز في دار الدوام
 
يالله ارزقنا الشهاده وجنات النعيم
يالله احفظ حاكم عادل شهم اولام
 
لو يمد كفوف عطفه على جذع الهشيم
احيت الميت ورويت عروقه واستقام
 
ولو يغض الطرف دق اللحي وثر الصريم
ولو يقود الركب عز العرب شرق وشام
 
ولو سحابه برقه يلوح ورعوده هزيم
ماقصر من تختخ ترتعه شم القوام
 
ولو عليه احرام مابين زمزم والحطيم
ونزهمه بالصوت جانا مع باب السلام
 
ولو نحث الركب صوبه ويكفينا حليم
مارجعنا الا بعلم يفهرس كل عام
 
التميمي ضلع ومقدم جموع وعديم
وعارف قدر اللحى لاتباع ولاتسام
 
الكلام اخذوه وادروه وافهم يافهيم
من هجوس مجربين الفعايل هام هام
 
وردوها لبن ثاني ولو فالجو غيم
وان نصيتوه ولقيتوه قام الحظ قام
 
لو طلبتوه العفو عن سجن شاعر عجيم
قال طلبتكم ملباه ياصبيان يام
© 2024 - موقع الشعر