يا أيها ...

تعال يا وجه السعد واشطب على الوجه البغيض
يا حيّك وطلّتك في وجهي بعد يا حيّها

تنعشني انعاش الشفاء العاجل لقلب المريض
يا أيها .. تدري يا لبّيك أنت وش يا أيّها ؟

ما انته بزي الناس واكتبها لك بخطٍ عريض
تبغيني أحلف ؟ لا ورب البيت ما انت بزيّها

ياللي غرامك في خفوقي من كثر قدره يفيض
النفس تندب حظّها والعين تبكي حيّها

من عوضك ليا فقدتك وان وجد كيف استعيض
وانت النهار وشمسه وشجرة غلاي وفيّها

هاجرت واصبح زولك فعيني يهاجرني وميض
يا أوّل جروحي دخيل الله من تاليّها

أحيا على وصلك واموت بكل برد وكل قيض
تظما مشاعر خافقي لك وانت سبّة ريّها

لبّيك ياللي من عشقتك قمت احس اني حظيظ
يا مغويٍ نفسي ونفسي ذايبه من غيّها

أنا اعرف ان كل الليالي سود والأيام بيض
دامك معي ماهمني في كثرها وشويّها

تمت الإضافة بواسطة : سالم ال فروان