لا والله الا بلشت وضاعت علومي - خليف الوهيداني

لا والله الا بلشت وضاعت علومي
ومن الحياه الشقيه خاطري طابي

لو ان مصار لي بالعمر مقسومي
ولالي عن اللي من الله كتب مجنابي

ومشكي من الناس في دنياي مظيومي
عداي بانت لعيني كلها اقرابي

وزدت الغثى من عفون الربع من قومي
خترت منهم ردي الحض والهابي

ولاصحت منهم بعال الصوت مالومي
صبرت لين الصبر من كيدهم ذابي

خليتها يوم كان السر مكتومي
وجنبت عنها ولابنات من اسبابي

وانا الذي عشت طول العمر مظلومي
من شبتي لين عارض لحيتي شابي

اطيح من ثقل حمل الوقت وقومي
ولا قول لناس وقتي ويش سوابي

واضحك مع الناس وخف الضيق وهمومي
و عرف عدوي لو لا جيت هلابي

و لاهز راع النمايم هرجه اعزومي
لو كل و قته ليا غبت يتحاكابي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر