البارحه في طايـــف

البارحه في طايف الطيف وافيت
خلي حسين الدل سيد الغواني

جاني وليف الروح في فرعة البيت
بالوصل واصل عقب ماهو جفاني

سلم وبه هليت عجل وفزيت
طرٍب وضميته شفق يوم جاني

ويقول أنا لك مستحب تعنيت
حاربت نومي زود حبك سباني

له قلت أنا اللي من هواك إستخفيت
وأبكيك دايم بالغبا والبياني

جودت خلي بالزوايا وشميت
مجدلات حشوها الزعفراني

(؟(؟)(؟)على ماتمنيت
و(؟)عودٍ كنه الخيزراني )

(اركيت)(؟)فوق(؟)وُداويت
جرحٍ بقلبي ماكنٍ من زماني

(؟؟؟؟؟؟؟؟؟؟؟؟؟؟)
(؟؟؟؟؟؟؟؟؟؟؟)

(؟؟؟؟؟؟؟؟؟؟؟)
(؟؟؟؟؟؟؟؟؟؟؟)

هذا وأنا بالنوم ثم توعيت
شفق وأدور اللي خياله نصاني

وأقول يا غض النهد وين صديت
ياوين زولك يا أريش العين كاني

دورت ماحصلت خلي ولاريت
قصدي ولا مضنون عيني لفاني

فكرت لني حالمٍ به وونيت
وزاد الأسف حيثه بعيد المكاني

وقرطت في روس الشفايا وعضيت
حتى طعمت ادميهن في لساني

وأقول ياليل الخطا ول ياليت
ماشفت بك من هو بحبه طواني

عذبتني ياليل من حين طريت
خلٍ على سرجوف جوفي كواني

انهلت من موق الحبايب وهليت
دمعٍ كما سيلٍ حدر للطماني

جضرت أنا وأشقيت عمري وبكيت
عيني وسدي باح مما دهاني

أتلفت روحي من ونيني وفجيت
صدري وفجيت الضلوع الحواني

أدخلت نفسي بالهوى لين سويت
جرحٍ بقلبي صابني ماعداني

مالي جدا كود البكا كل ما أمسيت
بين العرب ألعي بصوتٍ احزاني

من حب خلي ممترض ماتشافيت
وشفاي ريقه والغضي ماشفاني

وإن جيت بسلى عن وليفي وسجيت
وأسيح وأنسى سقمي اللي براني

وأقول قلبي داله وأرجهنيت
منه ولالي شف في مودماني

عرض علي وردني وأسترديت
في علتي ومصيبتي وامتحاني

ويلاه يا قلبي علامك تشقيت
في حب من هو بالتهالك رماني

وويلاه حالي ناحل وأسترضيت
من حب خلٍ بالوفا ما نواني

وويلاه من حلو المضاجع تجافيت
جفني جفى لذ الكرى ماهجاني

وويلاه من حب الحبيب إستعليت
عزاه لي حب الحبيّب بلاني

وويلاه ياقلب الخطا تهت وليت
جرحك جديد وجدد الحزن ثاني

بأسباب من خده كما مشعل الزيت
حالي نحل كني من الحول واني

وامَرِّضٍ لاني بحي ولا ميت
بين الرجا والياس ويلاه فاني

نذرٍ علي لله فإن كاني أسقيت
من ماثمانه زرع قلبٍ ظماني

لاكسي عرا ستين مسكين لاضحيت
نايل مرادي من حسين المعاني

(لامن حصل(؟)(؟)تعافيت)
(وأدي نذوري كان خلي سقاني )

قسمت لأوفي بالنذر لا تداويت
بالنور والسجده وسبع المثاني

ياصاحبي يلي على قربك أشفيت
وين العهود الماضيه والتماني

تليت قلبي يا أريش العين وأقفيت
وش نيتك يلي دلولك حساني

الله لايسقي ضحى فيه مريت
مر بزولك ياصخيف المثاني

وقفت في مرباك ثمٍ تعديت
والدمع عقب فراق عينك كساني

بالعون ياخلي توليت وأبريت
جسمي وحالي للذهاب متداني

وش هو مرادك يا الغضي يوم جريت
قلبي من أقصى مهجتي بالبناني

ياطول ماني يا أتلع الجيد ظنيت
فيك الجميل وحسن ظني خذاني

يا حيف ياغض النهد كيف لاميت
غيري ووليته شباب لياني

تمت على المبعوث بالحق صليت
إعداد من سند إلى البيت عاني

وإعداد ما في طايف الطيف وافيت
خلي حسين الدل سيد الغواني