درزي شكر ياظاق صدري دعيته موجهه للاخ درزي الشمري - أبراهيم الرديعان

درزي شكر ياظاق صدري دعيته
ابدي عليه الي من الظيق شاكيه
رصيد الياحدك زمانك لقيته
شيكن مصّدق تستلم كل مافيه
يهلي ابظيفه يالفاء باب بيته
والظيف ياخذ واجبه حين يلفيه
عن الظيف والجيران ماصك بيته
كلن ينعمله ياحل طاريه
ومركزاتآ فوقهن ما اشتهيته
فوقه نجّد غالي السوق يشتريه
سلم الجدود الي بهم ذاع صيته
يوم الذره كلن يرحب بعانيه
مايقصرك عن هقوتنبه هقيته
ابحث وكل الي ذكرنا تلاقيه
انا اذكر الي شفتبه يوم جيته
وعندي على قولي شهودآ تزكيه
الي عرفت اقصر عنه ماحصيته
وعساء الكلام الي كتبناه يرضيه
فظله علياء بظنتي مانسيته
مهما يطول الوقت ماني بناسيه
درست تاريخه وكله قريته
تاريخه الحاظر يشابه الماظيه
الحر الاشقر يعجبك لاقنيته
والبوم خاب الي يهده ويدعيه
ابختصر قولي مثل مارعيته
ماحاك به فكري على الظرس ممليه
ابدي على درزي ظروفي شكيته
سري ابير وسر درزي مخفيه
ولاطيع عذالي بدرزي عصيته
والي زعل يشرب من البحر صافيه
الي ذكر لي قبل كله لقيته
ماحاشته يمناه ماني موفيّه
درزي يجي كله لامن نخيته
سمعت من رجالً قبلي مخاويه
درزي شكرعن عايباته حميته
الله على درب المراجل امّشيه
ابختصر يكفي كلاماً حكيته
ماقل وزبدت الهرج صافيه
اسمح بتقصيراً متى ماقريته
هديه الي فظلكم نعترف فيه
© 2024 - موقع الشعر