المستجدة - أبراهيم الرديعان

جاني سؤال وقلت هذا مردّه
اسمع منّي هرجٍ صحيحٍ وكادي
اسمع جوابي لك عن المستجدّه
اسمع كلامٍ مادخل به دوادي
عسى يعود الله على المستجدّه
الله كريم ولا على الله بادي
دارٍ قضينا به من العمر مدّه
عشرين عامٍ حاسبه والعدادي
اليا طرت قلبي تقل موس قدّه
غلاه مايجلاه طوال البعادي
من فعل اهلها حبّها نستمدّه
ولاطيع به لو قالو الناس غادي
لها المحبّه والفلا والمودّه
هي غايتي هي مطلبي هي مرادي
بها الضعيف مرزقه يستمدّه
بوقت الجداد في حلول الحصادي
وكم حلوةٍ من فضل اهلها نجدّه
ليا الموسم الثاني حلول الجدادي
المحتري والضيف محدٍ يردّه
يَقدم ويْبدونه على كل بادي
غلاه في قلبي تعدّيت حدّه
غلاه بعروقي مع الدّم سادي
ولا تلحقن لوم بغلا المستجده
مالي عنه صبر ولا لي جلادي
أطلب عسى الماضي لهاالله يرّده
عسى سنينه يرجعن له جدادي
عرفت به شئ صعيبٍ نعدّه
شرحه يطول ويتعبن بالعدَادي
اجلس شهر واكتب وسجل وردّه
اقصر عن الواجب بحسب اعتقادي
علي لها دين وصعيبٍ نسدّه
دينَه كثير ويتعبن بالسدادي
اوجس غلاه بوسط قلبي يشدّه
ولاارضى البدل به من جميع البلادي
اليا جاء المطر ريحه تقل ريح ندّه
ونوبات اشبَّه ريحته ريح كادي
اليا سالت الشعبة وقيل استجدّه
نطرب وترتع به عراض النوادي
من شرق عمان اليا غرب حدّه
حبّه تمكن ياعلي بالفؤادي
ومن شرق البصرة اليا حد جدّه
ما اظن يوجد له بقلبي ملاذي
وماحدّت الشعبة ورمّان حدّه
وماحدّه النايع لقاري مرادي
بالخارطه حددت انا المستجدّه
جاك الكلام ولا تزيد العنادي
عطيتك الموجر وما قلت شِدّه
وخلق صديقٍ لي وخلّك حيادي
خلّك معي واحذر لسانك تمدّه
وتر للجرب عِندي طبيبٍ ستادي
هذي هدية مهديه يوم اعدّه
لعموم اهلها وحضرها والبوادي
© 2024 - موقع الشعر