فرايد شارده

توفرت الأقلام وأفكاري فرايد شارده
وأنا لها حتى لو الهاجس يديه مكبله

الصيد فرصه والذكي لازم يحدد مارده
ولا يفكر في عقول(ن) ناقصه ومهبله

وانا مافكر فالمسافه ميل ولا يارده
والراس يرفع في رضى الله والسجود يقبله

ولا بفكر فالطقوس الدافيه والبارده
الجزل يشعل هاجسي والهزل مايشتب له

الكفو دايم فالزمن كل(ن) يحب مقارده
على الردى صوت(ن) يغني واليدين مطبله

ابليس يتعلم ويكبر من طرايق مارده
تقصر حباله وان حبل حبله فأنا بحبله

صدرت طيب ولا لفاني مالمصدر وارده
ولا أملك الا حسبي الله عالردي وتب له