الهجوس اللوذعيه

كم سمعنا قصايد من عبيد و سندحي
والمكاين ماتحرك من زيوت العافيه

من خيال اسوقها بالعواطف يقدحي
مثل رعاد البروق لااستهل بصافيه

من هجوس ن لوذعيه من تحده تجرحي
من تعادي يموت وكان والت ضافيه

به قصيده تجي مثل الحوار المسرحي
دقت التعبير فيها للكلام مُواتيه

به قصيده للحيا من حياااها تستحي
حرفها من بحرها بالجزايل لا افيه

وبه قصيده تجي مثل الضعيف المنتحي
ماتقود الا على اردى كلام وشانيه

وبه قصيده تمنى من كتبها يمرحي
يم دكتور البلا لا عرف له شافيه

ابلشونا و ابتلشنا في قصيدن يمزحي
ماقطع بالحرف معنى لو حروفه كافيه

كل من يكتب قصيده قبل يكتب يفلحي
الزراء لو طرش المندوب حرف بكاميه

كان مانطق اللسان بكل معنى ينقحي
نعنبو راس ن يقوله فاوله مع ثانيه

والقصيده كان مازند بفتيله تقدحي
ماتتم ولو تتم بوزنها والقافيه