موجة الصيف

ماكل من خّط القوافي على الكيف
في معجم (اهل الحرف ) بيصير شاعر

بعض الحروف الله وكيلك كما السيف
يبقى اثرها داخل الفكر غاير

او هي شبيهه للبدو لكرمو الضيف
تفّز من (هيبة لقاها) المحابر

والبعض والله تشكي الضعف والزيف
تشكي (عقولن ) شتتتها المظاهر

الشعر واصحابه ترى كلهم نيف
(يشهد لهم ) تاريخهم والمنابر

فيهم شموخ الحب ومن الوله طيف
ومن( الرثا) معنى (وبالفخر) تاجر

ساعات سجّات الفكر مالها غيف
وساعات سجّات الفكر (طيف عابر)

الله يجير الحرف من موجة الصيف
والله يجير الشعر من (طفل قاصر)