التقييم
. اكشف اوراقك اكشفها
ماانا عارفة ان انت عارفها
مش ممكن اصدق يا حبيبى
انك اول مرة تشوفها .
. اكشف اوراقك كلتها
فعيونك انا شوفت صورتها
اوعى تدارى ولا تخبى
اوعى تقول مابقتشى تشوفها .
. انا شوفتك وماحدش قالى
ورضيت منك بللى فاضلى
ماسالتكش فى يوم عا لماضى
ما طلبتش منك توصفها .
. انا من حقى لوحدى عليك
انى افضل متمسكة بيك
ياللى حياتى ملك ايديك
نفسى عزيزة وانت عارفها .
. ان غرت ف مرة ما تزعلش
وتخاصم ولا تتكلمش
اامر واللى تقولة هايمشى
بس بلاش تحكيلى ظروفها .
. كلمات الشاعر الغنائى
جمعة سعيد

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2017 - موقع الشعر