سمو الوله,,

ياحضرت سمُو الوله في فؤادي
ياللي بنيت المملكه فوق الانقاض

ماشِفت مبنى ينبني فوق وادي
وانته بنيت الحُب في داخِل حِياض

ياظالمي .. في هقوتي وانت بادي
جازيت حلمن داخلي منك بجهاض

تِجبر خَفوقي يعلنه لك حِدادي
جبّار تكسِر خاطِر الحُب لا هاض

قلبك اناني فكره اليوم مادي
تاخذ ولا تعطي سوى حِفنة إعراض

الله حسِيب الجرح لاصار بادي
والله حسِيب حبيّبن بالهوى خاض

ليتك ذكرت العام والحب سادي
بدّل شحوب القلب جنات ورياض

لكن حسافه منزلك صار عادي
حلّ الدمار بداخل احساس فيّاض

ياحضرت سمو الوله وانت غادي
سلم على قلبن هجرني ولا اعتاض