حق الضحكه إلي ماتت من عامين بشفاهي
وجاه الله ماغير الدمع عندي باقي من جاه..
وإذا ماله أبد معنى ولاجاهته من جاهي
ترى حتى العمر مدري إلى هالحين وش معناه!
ولدت بآهتي توسدت كل البشر آهي
ولا احد نشد سر الحزن بالكون عن منشاه!
أشوف الطعنه تنصاني واسوي نفسي "الفاهي"
ويذبحني الحيا مقدر ولا حتى أقول:الآه
تعبت أجامل الدنيا وتجرحني بعذر واهي
تعبت وضاعت الحيله ولا عندي سند وأنخاه..
زمان ماسكن صدره ضمير للخطأ ناهي
وأنا اللي ساكن صدري خفوق من الجروح أرفاه
زمان شابت طعونه وحزن غير متناهي
معاه أدموعي ماتقوى تحار ولا تجي مبداه
ولو تنزل من عيوني تشيب في المهد لاهي
عيون من سبايا الوقت أخذها الوقت من أسراه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين