(عز الخيول رباطها) - جميل بن زريع
سجدت يارب العباد , لهيبتك طاب السجودوطوّلت بالسجده وانا راسي لغيرك ما اخضعهجيتك ذليل لعزتك , وارجيك واذنوبي قيوديارب هونها على , من سيّل اسمك مدمعهيارب عبدك وارتجي , عطفك ولطفك ياودودوانت القريب لدعوة الداعي , وقربك مفزعهافزع لعبدك زاد همه هم , والحظ امعقودواحتار مما شاف في وقته ومما يسمعهياسامعي جاك القصيد امرتبه عوده ينوداسمع وركّز وافهمه , وان جاز لك خلك معهأقسم بربي ماكتبت الشعر , وارجي منه فودوالا يقال ايلا كتبت البيت يا الله ما اروعهالشعر يكتبني على الطاروق واقطف به ورودمشاعرن تجتاحني باقصى الفواد امربعهلا شك والله لاكتبه لين اتعمى عين الحسودواتقر به عين الصديق اللي يهمه يطبعهلقيت في ذا الناس كم رجال وافي وامعدوداسمه وطيب الذات واصله للمراجل تدفعهايلا نخيته ما انقصر , مذكور والذكر امحمودوالمال لرضا خالقه , ولعز ربعه يجمعهيتعب يدور للستر ولا انتظر منها ردودأكبر اعيوبه طيبته وابواب جود امشرعّهبنى رجال وعزّهم , خلاا ثعالتهم أسودوارخص حلاله ماذخر للطيب فعل ٍ يرفعهكلاا يقول أنت السعد , قايد وحنّا لك جنودوابشر بنا لا كلخت لا نياب يوم المعمعهومن يوم ماوقته قسا , والحال ميّل للركودقالوا بخيل وما عطا , واصغر اعياله جوّعهولقيت في ذا الناس شبه ارجال كذّاب ٍ ربودماهو ابزود ٍ نحسبه ولايشرف مطلعهيتعب ويشقى للمره , واكبر همومه في الوجودمايختلف عن شورها ولكل راي اتطوعهقالت تظاهر بالكرم , بس انتبه صرفك ايزودوالضيف دامه حدنا , لا جاك فاحذر تشبعهولا يقوم ابواجبه ولسابق الطيبه جحودهذاك نقص ٍ في البشر , ياجعل ربي ينزعهيا هيه يا اللي غرتك دنياك والقلب الحقودما نرتجي في اللي يموت ابضيق يعطينا السعهالقلب مؤمن ياغبي , لو كانت اضلوعي يهودواتحد نفسي للخطا باسباب ماهي مقنعهانا امتنع وامنع وافز , ابهيبتي وارقى سنودواكبح جماح النفس عن بعض الهوى لا تتبعهأحفظ وصايا من زمان , وما لها فيني حدود( والعيب في اللي ياصله علم السفيه ويتبعه )ابوي قال المرجله , والطيب والحكمه اسدودواللي يبدل جلدته , يصبر على من يصفعهعز الخيول ارباطها , والقاسي القاسي يكودوالورد بعروق الصبخ , مجنون رجل ٍ يزرعهوقالوا على قد الاراده والعزم تاتي الجهودوعزي لمن قل اجهده , والعزم ماهو ينفعه
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.