بلا لبنان وبلودان

بلا بنتٍ عليها جنز .. بلا لبنان وبلودان
بلا بدّي وشو بدّك وكلي لك وتؤبرني

أنا مابي سوا البرقع ويخالط ريحة البدوان
إبيها وارد سعودي وأبيها اليوم تقبرني

بلا جعتّا بلا بيروت .. معاها شيشة النعمان
غرامي واقسم بربي فتاة العف وسمرني

صحيحٍ لبسها مخصر وفتنه لإنسنا والجان
ومنهو شافها يطلب .. عسى ربي يصبرني

وانا ماعم في قولي ولكن أكثر النسوان
ليامن مرّت بجنبك قسم بالله تذكرني

خصوصاً لا مشت قدمك وأنت بخلفها طربان
عليّه بالحرام إنك تقول الموت حجّرني

وليامنها عطت جنبٍ وشفت مخصرٍ رويان
دخيل الله وبعد الله لاتشكي عايض القرني

من هنيّا مبي بدّي وشو بدّك مع لبنان
أبي لبيه ويالبا تتل القلب وتجبرني

وانا لبيه منيّا وتضرب وادي العجمان
وتنزل في حدود بقيق وتاخذني تعمرني

على نجدٍ مع الطايف على مكه ابي الإحسان
وتاخذني على جده وصوت الهاتفي يرني

وأدق السلف متنومس وناوي ديرة الخلان
وأحول للخبر ثمٍ أقاهر من يقاهرني

ولا أنسى دار أبو مشعل ولا انسى دار أبو سلمان
ولا أنسى ديرتي لْكويت وفيها من يعبرني

بعدها دْبي ودار الحي .. إماراتي لحد عمان
خليجي لعنبو منه يلوم القلب وجابرني

على حب السفر يجبر فؤادٍ..ضاميٍ.. عطشان
على ريح الخليج اللي على طاريه يعطرني

أبتجول على كيفي .. بدار العز والإيمان
وأنا بديرة هلي وربعي ولا ديرة تفقرني