ما عاد يمدي - جابر البطحي

لا تبيّن لي الدمعه يا قطر الندى
وألتفت للوداع ان كان حزنك كفاك

دمعة الطيب في عين الليالي ردى
أخذ منّي دفا الايام ,, والله معاك

خانك البعد من قربي وطال المدى
وجيت تسترجع الماضي وتسبق اخطاك

يا حبيبي ,, وقف بيني وبينك صدى
وانت صوت ٍ يناديني ولا أسمع صداك

كل جرح ٍ يطيب بخاطري ما عدا
جرحي العام في بعدك وليلة جفاك

كنت أشوفك واحس ان الفراق ابتدى
يومها الشوق جابك والموادع خذاك

ليه اعذرك وانا فالحب مالي جدى
ليه أعاتبك وانت اللي جرحني خطاك

ماتت اكثر طموحاتي وراحت سدى
شفت وشلون اخذ مني الزمان وعطاك

يمكن يزول حزني والشعور يهدى
وأترك الحلم وألقى حلم غيره هناك

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر