أناديلك - تركي المشيقيح

أناديلك ويبقى للحكي في داخلي ميعاد
ولا ادري ليه لاضقت بزماني قمت اناديلك

عتقك الغيم وامطرك السحاب وجيتلك منقاد
ألوّح بالضما وامسح دموعي في مناديلك

أنا محتاجلك قبل الحياة وفرحة الميلاد
أنا اول من نقش قلبه على التاريخ بأزميلك

انا اللي قد وصلك بلاد وامسابك بدون بلاد
انا اللي لاتمللك المكان انهض واغنيلك

حبيبي والمكان اللي جمعنا والقلوب بعاد
ألا ياويل قلبي لو تركتك وانت ياويلك

حرام احلامنا تصحا على هم وجروح جداد
حرام تصد عن عيني وانا عييني تراعيلك

أحبك ليه اكررها وليه بداخلي تنعاد
لو اصرخ في هواك 2000 احبك ماتوفيلك

لأنك من رحلك اصلا سكوتي والحكي مافاد
تفز طيور من قلبي لشباكك وتهديلك

سلام وشوق وان كان لغرامك والحكي ميعاد
بضمّه وان بقا فيني حياة ارجع واناديلك

© 2024 - موقع الشعر