يابو حمد الله بالخير يجزاك
ويوفقك مع كل درب عبرته
والله يكثر يابن الجواد شرواك
ياللي تقوم بكل شين قدرته
ولاضاق منك اللي من الناس خاواك
وبشوفتك وبجيتك ماحشرته
والطيب يامرزوق صيتك وطرياك
هذا الذي سمعت عنك وحضرته
والمرجله لها تعني مطاياك
ولاتحسب اللي للمراجل خسرته
يالطيب اللي صافيات(ن) نواياك
لايبعد من يقلع الله شجرته
اللي يعيفك السوالف ليا جاك
وخبل(ن) مع العجه تطاير غبرته
واللي يعاعي مثل متعاع الادياك
وتبلش بوصفه بالنظر لانظرته
واللي ترك لدين لحيه ومسواك
وخافيه يخلف ظاهره لاسبرته
وليا حترمته بالسوالف تولاك
حتى يقضي صبرك اللي صبرته
وتلع(ن) ابو شغل(ن) معه جبر مشاك
وريحت كلامه مثل ريحت ازفرته
وليا طمع بك كل يوم يتحداك
وبعده عنك لامن قدره كسرته
ولخبل لابلشك بالهرج واذاك
ادواه لامنك مشيت وخصرته
والبعد عنه وقطع مماشاه وياك
لو يعتذرلك في خطاه وعذرته
وياللي بابيت العز والطيب مرباك
اصغ لكلام(ن)في قصيدي نشرته
ليا بخصت الوقت في سره انباك
جوعا سراحينه وشبعا عيرته
ويامدور لعليا بدنيك ودنياك
الرجل دينه والمراجل ثمرته
لولا الشيم يالشعر سقتك من اقصاك
وسمه وقدره في سطورك شهرته
وخليته يشوفك باعينه ويقراك
وبالكبد في مسمار شرك سمرته
وياذاك مانت بحول بالعرف ذولاك
لو البحر باقدام رجلك طمرته
عرفك قصير الشوف وانته باعمياك
شوفه قصير وحبل عرفك قصرته
لنك قليل العرف والعرف يخفاك
ولو ينكسر عظمه معك ماجبرته
وانته تحسب العرف في وسط مخباك
والعرف لو ياتيك عامر دمرته
ولو جيت بنك العرف قفل وخلاك
واللي تبي من مصرفه ماقدرته

حقوق النشر محفوظة لـشاعر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2019 - موقع الشعر