ترى الموده شف ياعذب الاطباع
شفٍ على العشاق ماهي غصيبه
ونصار مالك شف .. والحب خداع
بعلمك علمٍ عسى تقتديبه
ترى الرجال أصناف يابنت ونواع
وانا من اللي ما يحب الغليبه
ماني ورا شرد الرعابيب تباع
و لاتحسبين افراق مثلك مصيبه
قلبي معى اللي كيته بين الأضلاع
اللي نصيبي مايوالم نصيبه
المهره اللي فالحلا صيتها شاع
تصعب على العساف .. لو زاد طيبه
ساسه على درب العشاشيق مناع
ثوب الخزأ والهون ماتكتسيبه
اللي لها فالجوف مارد ومرباع
والقلب من بد الخلايق بليبه
سبحان منهو صوره حسن وبداع
خلا الجمال اليوسفي من نصيبه
راعي ثمانٍ لابتسم ذب الاوجاع
تبري جروحٍ في خفوقي عطيبه
هذاك لامنه مشى زين القاع
حتى القفر بخظاه ينبت شعيبه
والا انت عشقك عشق زايف وخداع
كم قلب شخصٍ منك زايد لهيبه
كب المياعه والدلع والتلكاع
امرك غريب وشف نفسك غريبه
ماني على شرواك راغب وطماع
ياشين كف الهرج وقطع نحيبه
حيث ان حبك فبركه ل التمتاع
منت الحبيب اللي يداري حبيبه
اصبحت سلعه بين شاري وبياع
برخص ثمن تنباع لقرب زريبه

حقوق النشر محفوظة لـشاعر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2019 - موقع الشعر