ياشاعري ,,

ياشاعري يا صانع الحرف والقاف
جيتك قصيده توها في مهدها

موزونتن محبوكة الحرف ميهاف
مدلله بالحب صافي شهدها

فسر لها معنى الهوى دون اجحاف
حدد خطوطه في تقاسيم يدها

وشيلها شلات من لحنها طاف
قمري على نسمة هواها وردها

جاتك ومن زود الحيا فوقها لحاف
مايكشفه غيرك وغيرك قصدها

جاتك على كفينها نقش بسراف
والعين هالمرود بسيفه غمدها

من بعدها زين المزايين ينعاف
ماهمها حاسد بعينه حسدها

في بحرها موجن تعانقه الضفاف
في سهلها ترمي غيومه بردها

فيها تفاصيل الهوى حق وانصاف
فيها المعاني باسقاتن عمدها

ماتندرج تحت المكاتيب العجاف
اللي عمى الشعار كثرة عددها

ياشاعري انصف حلاها بالاوصاف
في يوم تكبر يحترمها ولدها