قصيده نهى نبيل واعلامنا

مايهم الشكل والصوت الجميل
القصيد الجزل كلن يذكره

أبرز اللى شفتهم نهى نبيل
شكل طيِّب والقصايد ثرثره

ماتفرّق بالجزيل من الهزيل
والبيوت مخبصه ومكسره

والطلب زايد عليها كل ليل
والعرب يدرون ماهي شاعره

بس لاجل الوجه والجسم النحيل
صايره لاهل المغازل مصخره

والحصيل الله يعلم بالحصيل
كان هذا أوله ويش آخره

صايره في أعلامنا كذبه ابريل
شعرها كل الوسايل تنشره

ليتها تلقى لها شيء بديل
الشعر لاهله ويُعرف مصدره

القروم اللى يصيغون الجزيل
ماينافس شعرهم مستشعره

قاله اللى يكتب الشعر الاصيل
من مهنا كاتبه ومحرره

شفت لي واقع وقدمت الدليل
منبر الإعلام عيا يستره

واجب انّا ندحر الفكر الدخيل
وواجب انّا كل منكر ننكره