ذيبٍ عوى

ذيبٍ عوى ويجاوبه بالعوى ذيب
وحوله ذيابه كلهم يرقبوني

ياعزوتي يوم الوغى واللواهيب
ياشامخاً صوب السماء في عيوني

من غيرك اللي باللوازم فلايغيب
والشاهد الله والبشر يشهدوني

تكرم عن الزله وتكرم عن العيب
وتكرم عن اللي بهرجهم يكذبوني

ناسٍ تدوّر للنوايا عذاريب
صارو عن اللي بالخفا يعلموني

ياقدرة الله كيف صرنا مطاليب!!
وصدّو عن اللي بالعلن يلحدوني

لا لا يهمّك هرجهم والمكاتيب
القافله تمشي وهم ينبحوني