انا سؤال

انَا (سؤال) بَغيبَتك ما لهَ حلولَ؟
وَانتَ الجَواب اللي ذبحنَي غيَابه

سعيَت بالدنَيا ولا هوَ بمَعقَول
اني عقََب فَرقَاك عشَت بغَرابَه

انَت الغَرام العَذب والهاجس يقول
عَلى {مَراكَي} حَبنَا ويَش جَابَه

ذاكَ الفَراقَ اللي انا منَه معزَول
عنَ وصل منَهو زاد فينَي {عتَابه}

اصحاب لاموني وانا { فيك } مشغول
قالو تغير ما أهتنا في شبابه

من يوم غبت وعنهم الوصل مسدول
ما غير اهوجس بالعنا والكأبه

باقي على ذكراك { زرعٍ } ومحصول
يسقيه وصلك والعطاء في سحابه

لا تعتذر بالوقت ما دمت مسئول
لو تتبعه ماشفت الا سرابه

ابنشَدك دام الغَلا عاشَ مجهَول?
ليه افترَقنا!! دام ماَحد(ن) درا به

علَى شواطي حَبنا اذكَر اتقَول
حرام فيَك الحَزن يثنَي ركَابه

واليَوم شفنَي من عنآ الوقتَ مذهَول
والجرح جرحك زايد(ن) بي صوابه

القلَب راح بسبَتك ماتَ مقتول
والقَاتل اللي غابَ وينه {جوآبه}!