صدفه

صورتها بالعين وابطت مع العين 
حتى وانا مغمض عيوني تجيني 

نظره وشاعت بالفكر والشرايين 
ثم كونت شيً بقلبي وعيني

مدري عشان اني من شهور وسنين 
ماشفت غير الهم والضيق فيني 

والا عشان انه فريد المزايين 
من نظرته ضاعت بقايا سنيني 

 سبحان ربً كمله كامل الزين 
كنه يقول ان الحلا محتويني  

لحظه وكانت مثل موعد محبين
كنه بعد ماجيت جا يحتريني 

لكنها صدفه وراحت وللحين 
مازلت اقول انه بعينه يبيني