مات الغلا - صدام الصقور

دارت هواجيس بالي يوم قفيتي
وامسك بيدي غلاش شوي واهده

مدري ردى الحظ ولا انش ترديتي
ولا تبين لي الخافي على سده

ولا غرورش عمى قلبش وصديتي
لابو غرامش لابو حبش لابو جده

الشوق جمرة عليها ينطبخ بيتي
والقافيه تستوي وتجيش مرتده

يابنت لاني كيوت ولا اتيكيتي
ولانيب من يصغر لحب البني خده

انا بدوي صعب كسري صعب تشتيتي
مقامي اكبر على فكره من المده

منتي طموحي ولا شوفتش امنيتي
ولا ذبحني غلاش ومت من الصده

بضحك بسولف ليا رحتي ليا جيتي
مثلي ليا اقفى وش اللي عاد بيرده

عنش تضحين ولا كان ضحيتي
العذر وقت الرخا مهوب فالشده

وانا من البارحه يومش تماديتي
امسك بيدي غلاش شوي واهده

واليوم مات الغلا زي ماتمنيتي
لابو غرامش لابو حبش لابو جده

© 2024 - موقع الشعر