ستر العذارى - محمد بن حدري الاسلمي

بسم الولي ربي محيي العظامي 
اللي رميمة بالقبر عقب منفاه

من قاف شعري بنظمه باحتكامي 
وأبيات شعري بالوزن قد وزناه

بنيت لي صرحٍ من الطيب سامي 
ثابت على أرض الفخر له بنيناه

يوم العرب كلن يحكم الزمامي 
نحمي دخيلن لا تعزوا حميناه

تاريخنا بالمجد ناش الغمامي
 ماحدن وصل مجدٍ سنامه وصلناه

تاريخ (شمر) فوق الفين عامي 
فعل الكرم والطيب بالعين شفناه

بجبال سلمى شدوا ربعي الحزامي 
ستر العذارى والمعالي رقيناه

ووجيه ربعي مثل بدر التمامي
الكل بيض وجهنا بفعل يمناه

من نجدنا لديار موصل و شامي 
ياكم عدوٍ بالملاقا طويناه

ترى الفخر لا قلت (شمر) وسامي 
 (شمر) بعرش المجد تاجٍ لبسناه

محمد بن حدري الاسلمي
© 2024 - موقع الشعر