مامات شوقي - مبارك صبيح العنزي

يعني يموت الحب مع ذكرياتي
. وتعيش عمرك طول الايام مجروح
 
مامات شوقي باقين وسط ذاتي
. مكتوب اسمك داخل القلب باللوح
 
ناديت لك من شان لمة شتاتي
ناديت لك والصوت بالحيل مبحوح
 
فيك ابتديت ومعك كل امنياتي
. ابدى الحياة بعالي الصوت بفروح
 
زولك يجيني في المنامات ياتي
. مرات ياتي واغلي احيان يروح
 
ياعنق ريم وسط بستان باتي
. في ليلة فيها القمر بان مفضوح
 
ناديت لك وينك ترا القلب يحاتي
. ارفق تراني من سبايبك مجروح
 
داو بحنانك قبل حد المماتي
. ترني عقب فرقاك كما طير مذبوح
 
بغيت اكلم واسمع الصوت ياتي
. وارتاح من هم جرا داخل الروح
 
ابطيت وانا في عزلتي يا مناتي
. ومن الجفاء صارت جروحي تنوح
 
عشقي ذبحني والالم هووفاتي
. وهزتني الذكرى مع لوعة البوح
 
ان كان قصدك بالنهايه مماتي
. اصلا انا كني جسد فاقد الروح
© 2023 - موقع الشعر