في غيبتي حاضر وانا اللي غايب ٍ ما جيت
وان جيتلك احضر الاقي غيبتك فيني
بيتك يسطرني وانا سطرتك بهالبيت
كلما بغيت اكتبك تخذلني عناويني
مستنقع الخيبه عزمني والمعزب ليت
من بيت ليت لبيت لو الهم شاريني
دقيت سلف المحبره والحبر فيها ميت
واليا بغيت ادق سطري قال خليني
من وين ما جيت المشاهد شوفني ضحيت
القى الضحيه مشهدي من وين ما جيني
ما يوم جيتك بي مسا لوني معي مسيت
الفاك صبح ٍ لو اعيش الليل ما بيني
قفيت عني قلت يمكن لانني قفيت
اتحمل اوزارك وانا مبسوط في ديني
عشتك خطا يوم انت باكفان الخطا شنيت
متهوهي ٍ ما بين كفينك وكفيني
زرتك امل يوم انت زرت المستحيل بريت
ريتك كسرت اقلامك اللي خربشت عيني
اخطي ويقرصني الندم كلما معي اخطيت
حكم الندم يوم الكرامه جته تشكيني
اسهج وانا اللي في عيون الساهجين ابطيت
واضحك بوجه اللي لفى ضحكه يعزيني
اصحى وكلما هفهف جنوني علي غفيت
وابيع عقلي كلما جني يخاويني
طشت على وجه البحر طش الزبد والزيت
عيني علت فوق الحواجب لاجل تزريني
ودعتك الله لا غدا لي بالمواجع صيت
سميتك الماضي وانا حاضرك يرثيني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.