الطرق المقفّى

من لهاتن ماتحسب للكلايف
تقفل البيبان وتقض المقفى

كل ما تخلص نواياها نكايف
ذوقوقوها فالعسل سمٍ مصفّى

فوق ضلع مفرح الضيقات كايف
والقسوم اثنين والناقص توفّى

ياروابي نجد لا شفتي وصايف
ذكريها بي على وجه المقفّى

الثنايا ماتقرط فالشفايف
دام كيّال الوفا وفا وكفّى

ماتعودنا ندور للوظايف
نبحث الخافي وينباج المخفّى

هكذا يا وجه عبدالله شايف
يوم انا في جال ضوي وآتدفّى

كان ربي مد عمري للطرايف
فاللقاء بالحي والميت توفّى

ناحت الورقا على الغصن المهايف
يم دار الضيم والنور المطفّى

الحقيقه مثل حرن راج نايف
كلما ستل على مبداه خفّى

والله الباقي لعبد الله رايف
لا ركزت الساق صوبه ماتحفّى