لا تقبلين الوصل

لـ عبدالمجيد الدوكه، ، في العتب والفراق، آخر تحديث

لا تقبلين الوصل - عبدالمجيد الدوكه

لا تقبلين الوصل لحظه و ساعات
تقفين فجأه . . ؟ ما يهم إنتظاري

ما ابي تجيبين الوصل و النهايات
غيبه ..! تسبب بالليالي إنكساري

يكفي إنتشرتي في جميع البدايات
و يا ليت قلبك فك باب انتشاري

ادري تحبين الزعل ، و الغيابات
و تدرين احبّك ليت قلبك يداري

وادري بأنّك حلم عن واقعه مات
قُولِي : فهمتك دامني عنك داري

ياما تحمّلت التعب ، و المُعانات
وياما سكبت من الحنين إنصهاري

و ياما تجرّعت الألم ب إبتسامات
أخفي وراها .. من غزير العباري

و ياما اعتبرت الليل يستقبل الذات
عشان يسمع وش رأئيت ب نهآري

خلّي وصالك جوف ما به فراغات
ويكون هذا الحُب وصل إضطراري

صكّي مخارج بُعدنا ، وإفعلي الآت
ما ابي ولا مخرج : يعاكس قراري

( ابي انام ) ولا اشوف ال صباحات
إلا ب وجهك ، بالفرح ، و إنتصاري

إذا وصالك بس لحظه ؟ ، و مرات !
يخلف مساره / عن مساحة مساري !

( لمّي على صدرك وصال الفضاوات
و لا تجيني : مع جزيل / إعتذاري )

© 2024 - موقع الشعر