بروج ومنابر

من صدتك طاحت بروج ومنابر
والساعه سارت عكس ماهي تمنى

ونامت احاسيسي بحضن المقابر
حتى الشموخ اللي بنفسي تحنى

سؤال جاوبني اذا كنت خابر
طيرن تركني بغصنك اليوم غنى

وش حيلته لاصار ع الضيم صابر
والكسر بالجنحان زاد وتثنى

حتى الغصون مكسره دون جابر
ماكلف بنفسه يقوم ايتعنى

ياصاحبي هالشوق بالقلب غابر
حتى لطفل الهم قام ايتبنى

ماعاد فيني اليوم ازعل واكابر
القلب في بعدك عذوله تهنى