ماقل مقدارك. لـ شريفه عبدالله

ماقل مقدارك - شريفه عبدالله

ياموقد الحب في روحي
لاتخاف ماقل مقدارك

ادري الهوى ماهو أمزوحي
ياصبر من داسها نارك

حقك على الروح ماتبوحي
مادام خصيتها أسرارك

مالي من البوح مصلوحي
لو انحرم كل اخبارك

لولا الشماتات ما اروحي
ارافقك طول مشوارك

ياحظ من جيته اصبوحي
وامسى وهو ساكن بدارك

ودعتك الله مسموحي
لاتجرح الجوف باعذارك

واسئلك بالله ذي اسروحي
لاشتت الهم افكارك

الروح مع قلبها افتوحي
تستقبل الضيم لازارك

تستقبلك روحٍ افروحي
ماقللت يوم مقدارك

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.