البارحة في خاطري شي ماقيل
ودي اقوله من سنين طويله
بس التجارب درس عندالمشاكيل
ومن التجارب كل رجل وحصيله
ياما لفني طيبات التماثيل
ماهن بليله كل يوم وليله
وياما عصبت الراس بعد التعاليل
وصديت صدت حر عن الهزيله
من خوفتي تنقد علي الرجاجيل
وشرهات من عزيت عندي ثقيله
ولي شوفة تطلع على الجدي وسهيل
والله ولاجادل نفوس عليله
وان كثرت الزلات بين المهابيل
جنبت عن درب الهبيل وهبيله
ولاتضيق يغازي تراها تساهيل
سوالفن بين العميل وعميله
الحرب بين ايران ولا اسرائيل
خدعة اعلام وحربهم مستحيله
بس البشير اللي يبي يترك النيل
وتاريخه اللي يفتخر به يزيله
اهل العمايم ماسرجوا ضمر الخيل
يومنها بين القتيل وقتيله
هذي هي الزبدة وكل التفاصيل
والهرج دايم زبدته في قليله
غازي بن رويعي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين