محدٍ يلومك لان انا خشرميّة

الله يسهل للهوى راحت البال
ويعيش مستانس و روحه رضيّه 

يبقى الصدق رمز المحبّه و الآمال
 و يبقى الوفا ما دامت النفس حيّه 

و انا وفيّة عهد لو قال ما قال
لا شك ما جا منه أدنى خطيّه 

و ان قال بعض الناس والله محتال
شوفوا كلامه صدق ما هو بنيّه 

بأقول انا بنتٍ و عوّدت للخال
 و محدٍ يلومك لأن انا خشرميّه 

البنت منا عن ثمانين رجال
 لا صاح صايح كل أبونا سويّه 

نقدّم الأرواح و الجاه و المال
 يوم ان بعض الناس نفسه دنيّه

تاريخنا تشهد به اجيال و اجيال
و الخشرمي معروف من بين ميّه 

و بني شهر أفعالها تسبق أقوال  
و لا تهون اهل العقول السويّه 

عن الردى ياللي غدى بيننا اميال
 انا حشمتك حسّ و احشم شويّه 

بعض الهروج تقولها عيب تنقال
مالك بها حتى دليلٍ عليّه 

عيب الفتى لا صار مخطي و نقّال
و يكون له وسط الحشا مقدريّه 

و العود مهما تحرق بكل الأحوال
ما جاك منه الا روايح زكيّه 

هذا خشب ما فيه احاسيس و آمال
و انا وربي ما يتفوّق عليّه 

احرق و لا تلقى سوى طيب الأفعال
هذا وعد من بنت ناسٍ وفيّه 

المعذرة يمكن تقولولي خبال
ما في يدي حيله انا خشرميّه