مقعد بن زيد - غازي الرويعي

بسم الذي ينش السحايب بمنشاه
اللي بذكره يخشعن القلوبي

اللي نصر عبدعلى جملة اعداه
سبحانه اللي عالم بالغيوبي

من عقب ذكرالله نبا الشعر ننقاه
واخذ من دروب المشاعر بدوبي

وابمدح اللي تفعل الطيب يمناه
حرن ومن روس الرجال محسوبي

الطيب والناموس والذكر والجاه
وساس الشجاعه بالقاء والحروبي

ابو جمال موصل العلم لقصاه
وربط حزامه يوم شبت شبوبي

عسر الدروب وكل شيًٍٍٍ تحداه
وطا على الكايد وعسر الدروبي

الامر جابه والتحدي قبلناه
في يوم واحد جوه من كل صوبي

مثل قبيلة حرب واحسن نواياه
لايفوز فيها غير شخص محسوبي

ماحسب حساب الخساير والله
يسوقها من شان ذكر الحروبي

ترفع له الرايه ليا حل طرياه
وتفخر به ابيات تشوق اللعوبي

يرفع علمنا فوق بيته ومبناه
ويباشره رش المطر والهبوبي

يستاهل المنصب ليا من تولاه
النادر اللي مالقيبه عيوبي

يزهاك كرسيك مثل منت تزهاه
فعلك يشرفنا وعنا تنوبي

ماحطت الالمثل مقعد وشرواه
واللي ينافسكم مصيره يتوبي

باللي مشى درب من الصعب ممشاه
ما قال دربي فيه كل الصعوبي

ماجت عبث ربعك تفك المخلاه
ولايكسبون الا خيار الكسوبي

معكم ومعنا كم حلال كسبناه
صلنا وجلنا بالجزيره نجوبي

كم مرة حوض المنايا وردناه
واللي سلم منهم صويبن يحوبي

وكم فارس جيش اخو حسنا توطاه
وعلى جنايزهم تشق الجيوبي

اقفابهم اقفايت مقيط ورشاه
وخلا وراهم كل بيت يهوبي

حتى وردنا كل عد على ماه
يشرب دبشنا والعدوا مغصوبي

وحلالنا لامن ذكر قفر يرعاه
واللي حماه امسى حلاله ذهوبي

وباق القبايل حقها ماهضمناه
بهم الرجال اللي تفك النشوبي

بهم الذي يغزي ويفعل بشلفاه
ويضرب بها بين الظهر والجنوبي

بهم الذي تلقا العرب ما تعداه
البن يحمس والحليب محلوبي

والطيب ضلع صعب الانذال ترقاه
ماهو لهم لو ينفخون الذروبي

والطيب للي كامل في مزاياه
يعل شمسه مايجيها الغروبي

والدار للي وحد اقصاه ودناه
اللي حكمها من شمال وجنوبي

واليوم عشنا بخير والحمد لله
والشكر لك يامن تغفر الذنوبي

وابن وهب قال المثايل وهناه
ماهي بعني عن جميع الوهوبي

غازي رويعي الحربي
© 2024 - موقع الشعر