لحظه البارح

من لحظة البارح وانا خاطري فيك  
ودي بلحظه ثانيه والتفاته

ودي اسولفلك من القلب واهديك
اجزل حروف الشعر واجمل صفاته

ولاتلومني لو شفتني ميتن فيك 
كلن يدور في حياته غناته  

والصدفه اللي خلت القلب يغليك 
ردت خفوقن كان معلن وفاته  

شيل الحواجز واعلن الوصل واجيك 
ترى حلات الحب لعلن جراته 

تعال خل ايدي تعتز بيديك 
خل الثقل يقعد ويعلن مماته 

خابر مباديه وخابر مباديك 
والكل منا مانقص قدر ذاته 

ودام النوايا صافيه لاتغويك 
كثرت ظنون الحب تجرح غلاته 

ومدري بعد ماجاك قلبي يناديك 
تعلن غناته والا تدمر حياته