جيت الديار اللي لها القلب تواق
وسوق الخطاوي يمها عاندتني
وقفت فيها يا عرب حزة اشراق
وريح الولايف صوبها دافعتني
ادفن غلاها ياعوض وسط الاعماق
والملم اشواقن لها فاضحتني
وصلت بيته واطرق الباب شفاق
طرقه بطرقه لينها جاوبتني
واختالت العبره على خد مشتاق
لعيون منهي بالهوى عاندتني
قلت العلوم وقالت الوضع منعاق
وابشع بقايا غيبتك بعثرتني
ما عاد لك في داخل القلب ميثاق
واطياف روحك من زمن فارقتني
وتشكلت دمعات حزني بالاحداق
وتناثرت من بعد ما جاهدتني
امسح بها صفحة مفاهيم الاشواق
اللي على دروب العنى عذبتني
يا صاحبي لو بالمخاليق عشاق
ما كان بين اضلاعها كفنتني
اكتب على بيض الدفاتر والاوراق
الحب اشنع سالفه عايشتني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.