ياراعي العليا لك القاف محبوك
يامحزمي يافزعتي بالثقايل
للمرجله ياصاحبي.. تملك صكوك
قول(ن)نقول موثقاً بالدلايل
تسلم يمين اللي على الطيب ربوّك
رابي على فعل الكرم والجمايل
ربعك رويل.. اللي لها الطيب مملوك
قبيلة(ن) مامثلها بالقبايل
أسمع يابن عمي..حروفي ينادوك
هيضتني على الشعر والمثايل
ودام أنها جتني..على قافي الأوك
والله لألبسها حروفاً جزايل
من دون ربعي..أرخص الروح والبوك
وأشمخ بكم ياعزوتي للطوايل
ربعي هل الفزعه..بلا من وضحوك
فزعاتهم غطّت على كل مايل
بضرب مثل..من دون زيفاً ولاشكوك
يجمد على الشارب..بصدق الفعايل
ونرجع نفك الباب..لوكان مصكوك
ونرجع ورا.. صوب السنين الاوايل
يوم أنتخت حصه..على الفور لبوّك
هاك الرجال.. مروضة كل عايل
حتى مهار الخيل..لومات متروك
يفطّم عن أمه..فدوه لبنت وايل
لين أنتصرنا..وأصبح الدم مسفوك
وصيحات حصه مسجله بالسجايل
هذا الصحيح..ولجله القاف محبوك
لعيون أبو ثامر.. نسوق الجزايل
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.