الوداع الاخير - مفلح نجم

هات الخبر ياطير من ذيك الاقطار
 
 
وخص الخبر عن صاحب(ن)زود غالي
 
 
وش 00صار بعد افراقنا قول وش صار
 
 
يشكي من الفرقى او القلب سالي
 
 
وارجيك ياطير السّما سوق الاخبار
 
 
ماعادبي صبر(ن)على ماجرالي
 
 
وهز الجناح الطير ويقول محتار!!
 
 
يا مكثر النشدات صاحبك قالي
 
 
قال 00افرد الجنحان من قبل الاسحار
 
 
واخبر حبيب القلب عن ضيم حالي
 
 
هيكل مع العالم وروحي وسٍطّ نار
 
 
ماعاد اميز بين مر(ن) وحالي
 
 
عبد الهواجيس واسير(ن) للافكار
 
 
ماشي على درب التعاسه لحالي
 
 
واخر امل لن كان ياطير 00لي صار
 
 
شوفة حبيبي لو ثواني قبالي
 
 
وقفى يشيل بجسم بالحيل منهار
 
 
ما ضنتي يقوى على الاحتمالي
 
 
اسرع لخلك لاتعطلك الاعذار
 
 
يكفيه ما عاشه بسود الليالي
 
 
وقبل يطير الطير قررت الاسفار
 
 
وعلى عظيم الشان اخر سوالي
 
 
ويوم(ن) وقَفّت بخطوتي داخل الدار
 
 
لمحت من عين الاهل دمع سالي
 
 
وفي وقفتي حسيت راسي بدوار
 
 
ولا صحيت الا وناس(ن)حوالي
 
 
ونشدت انا عن صاحبي كل من زار
 
 
وكل(ن)يصد ويرتعش بالمقالي
 
 
واكثر من الرجوى على اكبار واصغار
 
 
وقالو رفيقك للمقابر يشالي
 
 
حكم الولي خلك على الحكم صبار
 
 
ترى الثقيله دايم(ن) للرجالي
 
 
ومن بعد هرج القوم عمين الابصار
 
 
وارجي من المولى يقَصّر حبالي
 
 
ماهمني من قال عيب(ن)ولا00عار
 
 
اقتلك يانفسي ولاني مبالي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر