احتزم بالهنوف

بَعْدْ ما تخلص النية لرب الجلالِ
 
 
 
وتيقن ان اللّه اللي يقتضي من عبيده
 
 
 
لاتلفت يمين ولا تلفت شمالِ
 
 
 
انته اتريد والله يفعل اللي يريده
 
 
 
ولا تَحسر على رزقٍ... من ايديك زالِ
 
 
 
ولا تِجَزّع من اضْروف السنين العنيده
 
 
 
الفشل خطوةٍ.....للنايفات الطوالِ
 
 
 
والتخاذل سمات اهل القلوب البليده
 
 
 
والتراجع عن الباطل يزيدك معالي
 
 
 
والكرم ميزةٍ...ف الرّجّل جدا فريده
 
 
 
والحذر من سهوم.. ام.. الرموش السبالِ
 
 
 
خص لاجنّبت عن منهج اهل العقيده
 
 
 
ماتميّز حرام ولاتميز حلالِ
 
 
 
ولاتوَقّع يجيلك من بَطِنّها وليده
 
 
 
واحتزم بالهنوف ام الحسب والدَّلالِ
 
 
 
اخت منهو ليامن راح.. يحسب فقيده
 
 
 
الهنوف المصونه عن رياح العوالي
 
 
 
تخر اشيوخ فالميقاف حرة شديده
 
 
 
وان قنيت الحذر لاتقتني غير غالي
 
 
من طمع بالرخيص يضِيع باقي رصيده