قانون الارواح

خلاص!!!ياوقت العنا00 منّك مليت
معاد باقي من العُمُر كُثر ماراح
 
 
 
اتعبتني...مابين علّ...وعسى!!ليت
في مركب(ن)تلعبّه امواج وارياح
 
 
 
مشكور ياحضي بعد ماتخليت
من صغر سني ما خبرتك لي اسلاح
 
 
 
ياما نخيتك وانت ما كنك اوحيت
على جبينك انكتب ..لا...للافراح
 
 
 
هب...يازمان الحيّ به... يحسد المَيِت
والخبل ابو قرشين سيد ومرتاح
 
 
 
وراع الوفا لامن..هرج قالوا:اخطيت
اهل المبادي والقيم ماضي انزاح
 
 
 
رجعي ومتخلف..اذا ماتبريت
من ::عيب والا ..استغفراللَّه يا صاح
 
 
 
يا عونة الله!!خايف ان قمت صليت
يقلون كاين من هل الكهف نزّاح
 
 
 
اتوب لله والله اني تماديت
لكَنّ...ثورة واحد(ن)كله اجراح
 
 
 
انت السبب:::يا قلب ليتك تناسيت
وعذّرّت في ذاك النجم بعد ما طاح
 
 
 
لكن اشوفك كل م/صّبحت وامسيت
اتّجُرّ ونة شوق والشوق فضاح
 
 
 
ياكثر ..ما.. عن نظرة الناس صديت
اخاف سدي كل ماذّكره ينباح
 
 
 
امنت بالفرقى دقايق ولا ابطيت
قانون عيت تعترف فيه الارواح
 
 
 
تكفيني الذكرى ..ليا من تمنيت
معاد باقي من العمر كثر ما راح