نهم وارحب

يا سلامي على ساحات ثوريه
يا سلامي على صرخات لبطالي

ترخص الروح من شان اليمانيه
اليمن غاليه وابن اليمن غالي

شعب كلَّه مسلَّح ثار سلميه
واصبح الشعب تضرَب فيه لمثالي

لا تقول اليمن مثل السعوديه
يابو متعب فرق بالحال والمالي

ثورة البن منصوره وشرعيه
لا تصدق مزاعم كل دجالي

ثورة الشعب لن تولد حدوديه
ازرع الجُمل تلقى الجُمل طوالي

بينهن فرق ماهن شي سوى سيه
لاتقارن رياض الحكم وآزالي

لا تراجع حسابات ارتجاليه
لا تخايل لشخص الهالك البالي

حكم صالح رحل ماله صلاحيه
يا يمن خبري من عاد متعالي

يالخليج اليمن قطعه خليجيه
قالها شعبنا بالمنبر العالي

لو احرمونا من اشيانا الضروريه
سلمي نظالنا في كل لحوالي

عاملو الشعب بالنفس العدائيه
عذبو الشعب ابناء المقعد الخالي

نهم وارحب بطيارات حربيه
في تعز لا يزال الدم سيَّالي

والذخاير بشتَّى انواعها الحيه
وابين القصف فيه انواع واشكالي

يا بقايا عصابة قتل قمعيه
نطعم المر من اجل اليمن حالي