اشتقت

لـ بنت ابوها، ، في غير مُحدد

اشتقت - بنت ابوها

اشتقت لك يازكي الروح والمعشر
خليت قلبي يفز بشوق للطاري

ضيعتني بين حلو الوصل والمهجر
وتدري على شوفتك ماتنطفي ناري

يادمعة البين بين أجفاننا تسهر
ياخطوة الشوق تعشق خطوة الساري

حبك بقلب المحب المبتلي يزهر
والروح تنضح عشق ليتك بها داري

قلبي كريم الهوى بالحب ماقصر
أقسمت أكون الدوا والجبر والذاري

ياكيف اخبي لهيب الشوق وأتصبر
وادفن ورود الغلا وأعاند أقداري

ارجع وعاتب وقاسمني هواك المر
مشتاق أضمك نظر في جنة أفكاري

صافح يميني وخل الكف يتعطر
خلني سجين الهوى وكفوفك أسواري

ناظر وخل العيون ابشوق تتسمر
خلنا نشب الوصل في ليل قصاري

© 2024 - موقع الشعر