ضاقت علي الدار

خلاص ارجوك يا الغالي ترى ضاقت على الدار
حبيبي ما طلبتك غير لحة عقل لجنوني

ترى مليت من قلت ويقول ومن فعلت وصار
ومن جرح بجوفي ينزفك وتهلك عيوني

حبيبي ادري بحبي بجوفك منتثر نوار
وادري ان قلبك هو مكاني يوم ملوني

انا جيت اطلبك واللي خلقك تتم هالمشوار
حبيبي لا تكاثرها علي وتخيب ظنوني

دخيل عينك اللي تغري الهاجس على الاشعار
تجرب لحظة فيها تجي من دونك ودوني

ترى عقلي ذبل من كثر ما افكر وفيك احتار
وجوفي ممتلي قبلك بغبن وزدت بغبوني

حبيبي داخله بالله عليك من إشتعال النار
ترى من أمس والهاب المواجع تحرق جفوني

امانه كان ودك بالفراق وناوي المسفار
التاخذني معك وان جيت ترجع إرجع بدوني