دقيقه

لـ برديس خليفه، ، في غير مُحدد

دقيقه - برديس خليفه

عطني من وقتك ثواني أو تكرمت بدقيقه
أبغي أفصح ما بقلبي واختصر كل الكلام

ليت تفهم دمع عيني لاجل تدركها الحقيقه
ليت تشعر يا عيوني ويش بدا بي من الهيام

من بعد شوفك يا غالي شبت بقلبي حريقه
ويش سوى البعد فيني .. كيف ذوبني الغرام

ما اريد البعد عنك والهجر لا ما اطيقه
لاتفارقني حبيبي وانت لي عشق وغرام

لاتخليني وترحل وانا في حبك غريقه
روف واترفق بحالي روف يا عالي المقام

انا ياخلي بدونك حايرة وفي القلب ضيقه
لاتعذبني بخصامك والزعل والله حرام

لو تراضيني حبيبي عطني عهدك في وثيقه
ما تخالف شرط منها فيها وعد ٍ والتزام

يالله فرحني بوصالك يا هنا العمر ورفيقه
بانتظر يازين وصلك لو يكون بألف عام

© 2024 - موقع الشعر