الـــمُــــبْــــهِـــرة

يامبهرتني في السنين الخوالي
ماعد يكدر صفو قلبي غيابك

اللي بكى لك / ضحكته الليالي
واللي يهابك صار ماعد يهابك

ماعاد فيها ( لاتروحي / تعالي )
ماعاد فيها ( مرحبا ياهلا بك )

ماعاد فيها ( جاوبي لي سؤالي )
ماعاد فيها ( ياحلاوة جاوبك )

ماعاد فيها (دوب جيت ابخيالي )
ماعاد فيها ( جيت والله جابك )

ماعاد فيها ( فرصه / انا لحالي )
ماعاد فيها ( وقفةً عند بابك )

انت شريتيني وانا كنت غالي
وبعت لك عمري بحفنة ترابك

ياربحي الماضي ويا راس مالي
ماعاد يشغلني زعلك وعتابك

رغم انك اهدرتي سنينك رضا / لي
وقطفت لي بيديك زهرة شبابك

شوفيني أتبسم لغيرك وسالي
ماعاد يحيي القلب ريحة ثيابك

اللي جنوبي صار قلبه شمالي
واللي يهابك صار ماعد يهابك

يامبهرتني في السنين الخوالي
ماعاد فيها ( وقفةً عند بابك )