النادره

((النادره))
 
فالهاف مون العصر مرتني على لكزس سموك
بنت"ن" مع سواقها ياوجد عين"ن" شافتك
مرت تبختر حسنها قتال والعالم هلوك
ياطر جيبي ياشقاي أنا صويب إطلالتك
أنا ضحية حسنك القتال يازين السلوك
سهم العيون اللي رماني من ورا نظارتك
فضفض علي بحكاك لي حلو الحكي لافض فوك
سكنت قلبي ليتني يازين ساكن حارتك
كل البنات البيض لوشافو جمالك يحسدوك
ليتك بلا سايق ولا جنبك مشت شغالتك
حتى من أخوانك عليك أغار ومن أمك وأبوك
شفتك وصرت أغار حتى من مساير جارتك
قربك منا روحي.. رصيد أعلى من أرصدة البنوك
قلبي حلالك لك لحالك ملك رهن إشارتك
السجن والمنفى مصير اللي عصوك وخالفوك
الأمر عندك والنهي وأنا أمير أمارتك
بمشي معك لأنك مثير وخايف إنهم يخطفوك
ياليتني وإن رحت لك مشوار في سيارتك
والا معك موبايلك دايم عليه يواصلوك
والا سواره وانتبه واحرص تضيع سوارتك
ياعي عين"ن" شافتك مره وصابتها الشكوك
وياكبر حظ اللي عيونه كل يوم"ن" شافتك
فديت روحك يادوا العاشق وحسادك فدوك
يالول يامرجان عين"ن" شافتك ماعافتك
قلبي وعقلي والهواجس كلبيهم يذكروك
وان غمضت عيني ونامت في حلومي زارتك
لو كانت دروبك صحاري قاحله والارض شوك
مشيت لك حافي قدم ببدايتك ونهايتك
يالنادره..يالفاتنه .. ماألومهم لو لاحقوك
من طبعك الراقي رقت فوق السحايب هامتك
صوبتني واعدمت قلبي من جمالك لعنبوك
أرحم وخاف الله وارفق يرحم أم"ن" جابتك
عسى عيوني مثل ماصوبت قلبي صوبوك
سميت حالي ياحليل الروح داو إصابتك
وأبشر بعزك ياقليبي ماتشد الابروك
يكفيك يوم"ن" جات لك من بينهم وأختارتك