هجراس

ياما حلا المنهاجْ عن غثّة الناس
فوقْ أشهبٍ لا ذِوق النارْ جاوب

جيبٍ على قطعْ المسافاتْ رمّاس
صوت التروس اليا تحركْ تناوب

يبعدك عن دارٍ حوت كل الأجناس
فيها قراح الماء يجي له مشاوب

ويوصلك برٍ نفحته عطرْ الانفاس
لاصرت من برد المكيف مصاوب

معي رفيقٍ وان مشى عاصب الراس
ماهوب خدشٍ لا التفت بك تثاوب

رفيقي اللي له على النار مجْلاس
وقبل الشفق على دلاله مناوب

وسوالفه لاعدّها عقد الالماس
ماهي علوم اللي عيونه تراوب

وعلى خنين الهيل والبن نسناس
دوا لجرحٍ من زمانه مداوب

هذي طراة الروح لا دك هوجاس
وأخذْت من ساعات عمري طراوب

يومن ولد اللاش فادروب الادناس
وعلى الردى قلبه جبانٍ مهاوب

يازين بدع القاف سلوة وهجراس
خصاً ليا جاء للطوراي تجاوب !