الحب ظالم/قبر ن يكسر لي ضلوعي وانا ميـت

موتي يفيد الصاحب اللي تخاويت
معهْ ليْ سنين ن على زاد ن ومي
ويش انت لي سوّيت ويش انت خلّيت
لو قلت لك مات الحيا عندك شوي
الحب ظالم يوم جيتك وحبّيت
لاعفتني ويّا الغلا والوفا ليْ
خلّيتني حكيَ العواذل وقفّيت
وشلون اكمّل باقيَ العمر ياخيْ؟
داريت حبّك وانت للحب داريت
هذا كلامك جاهلن نيّتك بيْ
أشعلت لك شمعه وحضْرتكْ طفّيت
كتبت لك شعري ب صفحات للطيْ
مديت لي من حزن الايام وارهيت
ومن شمس بُعدك رحت ادوّر على فيْ
فارقتني غالي ترىماتغلّيت
واصدق دليلي دمعتي ذيّه وذيْ
رجعت لي آآسف وللدمع هلّيت
والكذب يورق وجنتك وانْرُوَتْ ريْ
عودتْ للعاده وعنّي تخلّيت
هذي حياتك تلبس الزيّ والزيْ
ادري بعد فرقاك ما عمِّر البيت
لكن نويته ,لو دمس فيني الضيْ
موتي يريّّح من بغيت وتمنّيت
موتي يريّحني من الظلم والغي
قبر ن يكسر لي ضلوعي وانا ميت
آخير من حبّن كسرني وانا حي