المعروف

ماينتهي المعروف لاقلت مشكور
من يجحد ه ما له شهادة تبريه

من يفعل الاحسان ما يلحقه جور
محسوب عند الله رصيده يوفيه

والجود رفرف بيرقه فوق منشور
والدون لو يرقا تكسَر سواريه

لو شان فعل الرجل بالشين مذكور
لو طاب فعل الرجل ودَ ك تطريه

بعض العرب عزم (ن) وهمَه وخوشور
يحي ذكر ربعه تعاظم هقاويه

جاره يعيش بعزَ ما بات مقهور
كلما دعاه لحاجة (ن) قال لبيه

له مجلس (ن) دايم على الطيب معمور
راعيه ما تلقى في وجهه مكاريه

وجه يشوش (ن) ما يحسب لمخسور
ما قال عن رزقه هبابه يكفيه

ساق التحايا للمناعير بالدور
ثنى سلامه والتواضع يباريه

ما هو مثل مجلس من الناس مهجور
والبن الاشقر حالف (ن) مايجي فيه

يعجبك زوله بالنقاريش مشهور
درب النشاما ما يجي من حواليه

من جاور الاجواد ما يلحقه جور
ماشاف ضيم ولا تكدر لياليه